15 мамыр Отбасы күні

Сарыкөл ауылы негізгі орта мектебінде Отбасы күніне орай жүргізілген іс-шаралар  есебі.

1-сынып оқушылары үшін «Махаббат-жанұяның негізі» тақырыбында ашық сынып сағаты өткізілді.

Сынып сағатының мақсаты:

Мақсаты:
1. Отбасы туралы ұғымдарын кеңейту. Отбасы мүшелерінің алатын орны туралы түсінік беру. Отбасы — әр адамның шағын Отаны. Оқушыларға әке — шеше, бауырдың қадірін түсіндіру.
2. Балалар әке — шешесінің қамқорлығына, сүйіспеншілігіне бөленіп, олардың дәулеті мен қызығын көріп қана қоймай, олардан адамгершілік қасиеттерін алып, жақсы қасиеттерді бойына сіңіру, жақсыдан үйреніп, жаманнан жиренуге баулу.
3. Оқушылардың бойына ата — анаға деген сүйіспеншілікті, құрмет сезімін ояту. Сыйластыққа, мейірімділікке, татулыққа, қамқорлыққа тәрбиелеу

2 сынып оқушыларымен  Отбасы күні мерекесіне орай  «Отбасы – тіршіліктің тірегі» тақырыбында өткізілген сынып сағатының есебі.

Мақсаты:  -әке,шеше, ата, әже, тегі туралы ұғымдарын кеңейту;       

• отбасындағы сыйластық, ынтымақ, бірлік сияқты  қарым-қатынасқа үйрету.
• үлкенге құрметке, кішіге қамқор болуға, туыстарына, жақындарына  сүйіспеншілік сезімін тәрбиелеу.

3-сынып оқушылары үшін «Махаббат – жанұяның негізі» тақырыбында ашық сынып сағаты өткізілді.

Сынып сағаттың мақсаты: Отбасындағы қарым - қатынас мәдениеті туралы түсінік беру, бақытты жанұяның моделін дайындау;

2) Отбасы - Отанның бір бөлшегі екенін ұғындырып, оқушылардың бақытты жанұяға

деген қызығушылығын арттыру;

3) Жанұядағы сыйластыққа, адамгершілікке, инабаттылыққа, ынтымақ пен бірлікке, татулық пен ұйымшылдыққа тәрбиелеу. Үлкенді үлгі, кішіні мақтан етуге, отбасының бірлігін сақтап, жанұяның мақтаны болуға тәрбиелеу.

6-сынып оқушыларымен  тәрие сағаты өткізілді.

    Тәрбие сағатының мақсаты:  оқушылардың отбасы туралы түсініктерін кеңейту. Өз жанұясы туралы әңгімелеуге үйрету. Оқушыларды ұйымшылдыққа, жауапкершілікке, өз ойын жеткізе білуге тәрбиелеу.

Сабақ түрі: ой бөлісу

         Бүгінгі  тәрбие сағатымызда  ата-ананы қалай сыйлау,құрметтеу туралы сөз болды. Оқушыларға әке мен ананың орнының ерекшелігі жайлы айта отырып, әкенің еңбегін, ананың ақ сүтін өтеу керектігін имандылық негіздерімен байланыстыра отыра айтылды.

   Отбасы- әр бала үшін алтын бесік. Сондықтан әр бала өз отбасында кішіпейіл болу,  үлкендермен және кішілермен қандай қарым-қатынаста болу керектігі туралы сөз болды.